Expédition du contrat de mariage de Catherine Lobeyrie et Jean Favy
Saugues,[1] 9 February 1599
Expédition du contrat de mariage de Catherine Lobeyrie et Jean Favy
Chicago, Newberry Library, VAULT Case MS 4027
[Fol. 1r]
Au nom de Dieu, amen. Sçachent tous prezans et advenir que l’an mil cinq cens quatre vingtz | dix neuf et le neufviesme febvrier avant midy en la ville de Salgues, dioceze de Mende, maison de sire Guilhaume Lobeyrie, bourgoys de lad. ville, Hanry par la grace de Dieu roy de | France et de Navarre regnant, par devant moy notaire royal soubzsigné et tesmoings soubznommez, COMME à la louange de Dieu, delivrance de tous vices et pechés et augmentation | d’humain lignaige ayt esté parlé de traicter mariaige par parolles de futur, que s’acomplira si à Dieu plait en face de saincte mere Esglize apostolicque romayne, ENTRE maistre | Jehan Favy, notaire royal de la ville de Salgues, dioceze de Mende, d’une part, et honneste filhe Catherine Lobeyrie filhe leg[itime et naturelle] d’icelluy Guilhaume Lobeyrie, | bourgeoys de lad. ville, d’aultre, à ces causes furents presentes lesd. parties, lesquelles de gré, la filhe avec la licence de sond. pere, ont promiz [et] juré eulx prendre [pour espoux… aux] | presentz et prochains nuptiaux, ou serroit qu’aparrant inconvenient y survint, que Dieu ne veilhe, ET PAR CE QUE l’ordre de droict est que dot soyt constituee du costé | des filhes, estably et constitué en sa personne led. syre Guilhaume Lobeyrie pere, qui de gré, pour luy et les siens advenir, a constitué et constitue pour dot, en dot, au | nom et à cause de dot et chancere, à lad. Catherine Lobeyrie sa filhe, presente et acceptante, et pour elle aud. maistre Jehan Fany futur espoux, presentz et acceptans, et pour tous et | chacuns les biens meubles et immeublez presentz et advenir qu’elle pourroit pretandre en ces biens, et de honeste femme Anthonye Langlade sa femme, presente et acceptante, | paternelz, maternelz, fraternelz, sororaux et aultres quelconques, SÇAVOIR EST un lict garni de coistre, coussin de plume, couvertes et linseulz raisonables […]
| Go to Background Essay | Go to Manuscript page |
