Letters and decrees issued by the Parlement de Bordeaux
Bordeaux,[1] 22 March 1651
“Arrêt du Parlement de Bordeaux au sujet du Cardinal Mazarin.” In Letters and decrees issued by the Parlement de Bordeaux
Chicago, Newberry Library, VAULT folio Case MS 5179
[Item 28, fol. 1r (image 10)]
Extrait des registres de parlement |
La cour, delliberant sur la lettre à elle escrite par le | parlement de Paris, et après avoir veu l’arrest dudict parlement donné | contre le cardinal Mazarin le unziesme de ce moys et l’arrest | de la cour du quinziesme febvrier dernier, ouy sur ce le procureur | genneral du roy, a ordonné et ordonne qu’il sera informé à la | requeste dudict procureur genneral du roy contre ledict cardinal Mazarin | et ses parens et domestiques des contraventions par eux faictes | audict arrest du quinziesme febvrier, comme aussy des depredations | faictes par les ordres dudict cardinal sur les vaisseaux estrangiers, | des empechemens à la conclusion de la paix, des divertissemens des | finances et transport des deniers hors du royaume et des mauvaises | impressions par luy données au roy. Sera aussy informé | contre ceux qui ont eu quelque communiquation avec luy despuis | et au prejudice dudict arrest du quinziesme febvrier. Et pour faire ladicte | information, ladicte cour a convenu et deputté en la present ville | maistres Saubat de Pomiés et Pierre de Suduirault, et hors ladicte | ville, maistres Estienne d’Espaignet et Henry de Montaigne, conseillers en | ladicte cour. Et où ledict cardinal Mazarin sera trouvé dans le | ressort de ladicte cour, enjoinct à tous les gouverneurs, capitaines, | officiers, maires, eschevins et consulz de se saisir de sa personne | et icelluy conduire soubs bonne et seure garde dans la consiergerie | de la Cour. Ordonne aussy qu’à la requeste dudict procureur genneral | tous les biens et effectz dudict cardinal Mazarin seront saisis | et arrestés. Enjoinct à tous les banquiers et personnes publiques | de representer leurs regestres, et à toutes personnes qui ont | cognoissance desdicts effectz de le declairer en justice, à telles paynes | que de droit. Et sera le present arrest affiché et publié à son | de trompe aux lieux acoustumés de la present ville et envoyé | ez bailliages et senneschaucées du ressort pour y estre aussy leu | et publié. […]
[1] Capital of the Aquitaine region and the Gironde department in Southwestern France.
| Go to Background Essay | Go to Manuscript page |
