Chroniques de Jean Froissart, vol. 2
Low Countries, 1425-1450
Chroniques de Jean Froissart, vol. 2
Chicago, Newberry Library, Vault Case MS 37.1
[Fol. 217v, l. 4]
Le xxviie jour dou mois d’aoust | l’an dessusdit fu la ville dou Dan | reprise dou roy de France et des Fran-|chois, je vous diray et deviseray la ma-|niere et ordenance coument. Quant Fran-|chois Acremen ot là tenu le roy de Fran-|che environ ung mois et vei que arte-|lerie leur defalloit de tous poins et | que de Engleterre il ne seroient point | conforté, sy se coumencha à aviser et | à avoir des trettiés secrés deviers le | connestable de France, et lez demenoi-|ent li sires de Couci et li sires de | Ghistelle, et esoient sy secreement me-|né que ly homme de la ville n’en sça-|voient riens, car se il l’euissent sceu, | il se fuissent aultrement ordonné et pour-|veu que il ne fisent. Et dist à ceuls | des siens où il avoit la grignour fiance : | « Ordonnés vous sagement et quoiement, | nous nos departirons en celle nuit de | ceste ville et nous en retournerons deviers | Gand. Nous ne le poons plus tenir, nous l’a-|vons assés tenu, il ne nous appert con-|fort ne aide de nul costé. Je quidoie | bien que d’Engleterre nous deuissions estre | conforté, mes non serons, les Englois ont | assés à entendre ailleurs que de passer | maintenant la mer par de decha. Je cou-|manderay à aler hommes et femmes ja | sus le soir et euls bouter ens ou mous-|tier et là tenir, et puis irons veoir le | gait. En ce faisant, nous nos requelle-|rons trestous ensamble et auerons une | porte ouverte au lés deviers Gand, et is-|terons par celle, et auerons toursé et mis | en malles ce que porter en porons de-|vant nous. Nous ne serons point pour-|sieuvis, car je sui en tretiés deviers | le connestable de France et lez Francois | que la ville dou Dam lor soit rendue. » Tout chil asquels il en parla respon-|dirent : « Dieus y ait part. » […]
| Go to Background Essay | Go to Manuscript page |
