Déclaration de Michel Mercier de tenue en bourgage de sa maison a Alencon
Alençon,[1] between 1574 and 1589
Déclaration de Michel Mercier de tenue en bourgage de sa maison à Alençon
Chicago, Newberry Library, VAULT folio Greenlee MS 455
[Fol. 1r]
Du roy nostre souverain seigneur Henry roy de France et de Pollongne, Michel | Mercier, filz aisné de deffunct Pierre Mercier, pour luy et ses coheritiers, tient, confesse et advoue tenir au bourgaige | et alleu de la ville d’Allençon, à cause du chasteau dud. lieu, unne maison manablea assise | en lad. ville d’Alençon sur la rue à la Personne, comme elle se poursuit, dedans laquelle | y a droict de four à ban appellé le four de l’Espine, et tout ainsy que lesd. maison et four, les | droictures, franchises et libertez à ce appartenans, et que par le passé ilz en ont jouy et le | posseddent de tous temps sans en faire aultre declarration expresse, à quoy ilz se reservent si besoing est, | d’un costé lad. rue, d’aultre les heritiers Langlois et d’un bout les representans Estienne Du Bois. | A[2] raison d’icelle maison et dud. four, led. Mercier en son nom et oud. nom de ses coheritiers | confessent estre subjectz par chascun an paier à la recepte de la grande prevosté d’Alençon | la somme de vingt solz tournois escus pour les franchises [et li]bertez dud. four et previlleges | du lieu, la peine des manans et habitans de lad. ville et des forbourgs qui vouldront | y aller cuire au jour et feste d’Angevinne[3] par chascun an, et à faulte de paier | aud. jour lesd. XX solz, amendable de la somme de soixante solz tournois. A raison desquelles | choses, icelluyb Mercier en son nom et pour ses coheritiersc sont subjectz faire foy [et] hommaige à la | moulte des moullins à bled et à draps, et aultres choses requises selon | la nature de lad. chastellenye. Le present adveu baillé sans prejudice aulx droicts, | franchises et libertez que les bourgois de lad. ville ont et peuvent avoir, à quoy ilz se | reservent, sans en faire aultre declaration quand à present. En tesmoing de quoy. ||
a. uncertain reading. – b. crossed out interlinear correction over iceulx. – c. crossed out interlinear correction over en son nom et pour ses coheritiers.
| Go to Background Essay | Go to Manuscript page |
