Investiture de l’Ile d’Orléans donnée au procureur des concessionnaires par le gouverneur général de la Nouvelle-France
Quebec City, 1 July 1638
Investiture de l’Ile d’Orléans donnée au procureur des concessionnaires par le gouverneur général de la Nouvelle-France
Chicago, Newberry Library, VAULT box Ayer MS 132
[Fol. 1r]
Jean Guillot notaire[1] |
1er juillet 1638[2] |
Nous, Charles Huault de Montmagny, chevallier | de l’ordre Sainct-Jean-de-Jerusalem, lieutenant pour Sa Majesté en | toutte l’estendue du fleuve Sainct-Laurent de la Nouvelle-|France ; suivant un mandement de messieurs de la | Compagnie dud. lieu de la Nouvelle-France en suitte d’une | concession par eux faicte au proffit de noble homme Jacques | Castillon, bourgeois de Paris, en date du quinziesme jour de janvier | mil six cent trente-six, de l’isle d’Orleans, située dans led. fleuve ; et encores en ce suivant certain acte de | recognoissance en date du vingt neuf[viesme jour de] febvrier mil | six cent trente-six, portant comme lad. concession est faicte | tant pour led. Castillon que pour messieurs de Lauzon et | Foucquet, conseillers d’Estat, Berruyer, sieur de Mancelmont, | Rozée, Duhamel et Juchereau, marchandz, et du sieur | Cheffault, chacun pour un huictiesme ; au moyen de ce que | led. Cheffault auroict recognu par led. acte susdatté | que les terres al mentinnonnée [sic] par autre concession desd. | à luy faicte par mesd. sieurs de lad. Compagnie, aussy en | datte du quinziesme janvier mil six cens trente-six, signée | Lamy, estoient tant pour luy que pour lesd. sieurs | Foucquet, de Lauson, Berruyer, Rozée, Duhamel, | et Juchereau et Castillon, aussy chacun pour un huictiesme ; | nous sommes transportez aud. lieu de l’isle d’Orléans, au bout qui regarde le sorvouest[3], esloigné | de Quebec environ deux lieues, assisté de monsieur le | chevalier de Lisle, l’un de nos lieutenans, dud. Juchereau, | des du sieur Le Roux, du sieur Ollivier Le Tardif, tesmoings, | et de honnorable homme Françoys Derré, sieur de Gan, | procureur special desd. sieurs Foucquet, de Lauson et | aultres dessusd., pour en leur nom prendre pocession de | lad. isle d’Orleans ; où estans et là descenduz à terre, | aurions fait faire lecture desd. concessions et actes | par Jean Guytet, notaire commis greffier, en presence ||
[Fol. 1v] desd. tesmoins, et declaré aud. sieur Gan que nous le mettions en pocession reelle et actuelle de lad. isle | pour et au nom que dit est; à ce que nul n’en ignore | et pour tesmoig marque de possession, auroict led. sieur | Gan rompu quelques branches, araché de l’herbe | et faict autres ceremonies à ce requises. Dont et de ce | que dessus nous avons faict dellivrer acte le present | [acte pour] servir ce que de raison. Faict au fort Sainct-Louis dudicta Quebec, le premier jour de | juillet mil six cent trenteb huict. ||
MONTMAGNY. | J. GUITET, | commis greffier. |
DELISLE. | JUCHEREAU. | LE TARDIF. | DERRÉ. | PIERRE LE ROUX. ||
a. dudict written over de. – b. six written over hu then crossed out.
| Go to Background Essay | Go to Manuscript page |
