Memoranda about Charles d’Orléans’s rights as Count of Blois
Selles-sur-Cher,[1] after April 1434
Memoranda about Charles d’Orléans’s rights as Count of Blois
Washington, D.C., Folger Shakespeare Library, MS X.d.41
[Fol.1r]
Instrucion et memoire pour instruire mon tresredoubté seigneur monseigneur le duc d’Orleans et messeigneurs | de son conseil sur les choses cy dessoubz escriptes. ||
Primo. Il est vray que mondit seigneur le duc tient son conté de Blois, si noblement comme terre et seigneurie | puet estre tenue, seulement de la coronne de France, sanz ce que on puisse dire et ne se treuve point | qu’il soit tenu de quelque seigneurie de ce royaume, et dit on qu’il n’a pas long temps que ledit conté | estoit tenu de franc aleu. ||
Item et quoy qu’il en soit, mondit seigneur le duc, à cause de sondit conté, a plusieurs beaulx grans | droiz et noblesses que aultres ducs, contes et grans seigneurs de ce royaume n’ont mye. ||
Item et entre les autres droiz et noblesses, mondit seigneur le duc, à cause dudit conté, a droit qu’il | puet anoblir gens roturiers, les faire nobles et habilles à tenir fiefz nobles et les souffrir acquerir | de gens nobles. ||
Item a droit et se bon luy semble puet contraindre gens innobles qui auroient acquis aucuns fiefz de gens | nobles à yceulx fiefz mettre hors de leurs mains ou les leur souffrir tenir et pour ce prandre finance | d’eulx ou la revenue d’iceulx fiefs par trois annees. ||
Item et ce est ung droit especial de droit domaine du conté de Blois, qui en icelle conté est communement | appellé desemparament de fié, pour ce que quant ung fié est mis de main noble en nom [sic] noble, | le fié est desemparé et hors de parage. ||
Item a droit mondit seigneur le duc, à cause dudit conté, de admortir à gens d’Eglise ce qu’ilz acquierent | oudit conté, soit en fief ou en censif, et à cause de ce puet prendre finance desd. gens d’Eglise. ||
[…]
| Go to Background Essay | Go to Manuscript page |
