French Renaissance Paleography

Title

Letter signed by Philip II, King of Spain, to his nephew Rudolf II, Holy Roman Emperor

Description

Madrid, 21 June 1597
Lettre du roi d’Espagne Philippe II à l’empereur Rodolphe II sur l’organisation de la réception de trois princes dans l’ordre de la Toison d’or
Washington D.C., Folger Shakespeare Library, MS X.c.52

Partial Transcription

[Fol. 1r]
Tres hault, tres excellent et tres puissant | prince, nostre tres cher et tres amé bon frere, nepveu et | cousin. Pource qu’avons eu advertence que, par | l’arrivee devers vous de nostre conseillier et premier | roy d’armes dict Toison d’or, messire François d’Amant, | hault bailly, chastellain et cappitaine de noz ville, chasteau | et chastellenie de Courtray,[1] aurez entendu ce que | vous avons requis et prié de faire de nostre part endroict | l’association en l’amiable compaignie et confraternité | de nostre ordre de la Toison d’or des trois princes mentionnez | au memoire qu’aurez receu, et que doubtons que nostre | bon cousin l’archiducq Ferdinand, y denommé pour nostred. | ordre, ne pourra se trouver vers vous à cause des em|peschemens que luy donnent les occurrences du temps | present, avons trouvé à propos de dire que en tel | evenement pourrez commectre nostre bon frere, nepveu et | cousin l’archiducq Mathias (aprés qu’il sera investy | de nostred. ordre) pour faire au regard de nostred. bon cousin | l’archiducq Ferdinand le mesme que feriez se à telle | fin il se presentoit en vostre court. Et tiendrons pour | agreable tout ce que ordonnerez et ferez de nostre part | en lad. matiere, assistant à tel acte le susd. Toison | d’or, en qualité de sond. office, comm’il aura faict aux | aultres. Si aggreons aussi ce que desjà \ y / pourrez avoir | faict. Tres hault, tres excellent et tres puissant prince, | nostre tres cher et tres amé bon frere, nepveu et cousin, Nostre | Seigneur Dieu vous maintiene en sa tres saincte grace. ||

[Fol. 1v]
Escript en nostre ville de Madrid, le 21 jour | du mois d’apvril 1597. N. D. Vt.[2] |
            Vostre bon frere, oncle et cousin, |
                PHILIPPE. ||

[1] Belgian city in West Flanders.
[2] Scribe’s paraph.
Go to Background Essay Go to Manuscript page